АвтоАвтоматизацияАрхитектураАстрономияАудитБиологияБухгалтерияВоенное делоГенетикаГеографияГеологияГосударствоДомДругоеЖурналистика и СМИИзобретательствоИностранные языкиИнформатикаИскусствоИсторияКомпьютерыКулинарияКультураЛексикологияЛитератураЛогикаМаркетингМатематикаМашиностроениеМедицинаМенеджментМеталлы и СваркаМеханикаМузыкаНаселениеОбразованиеОхрана безопасности жизниОхрана ТрудаПедагогикаПолитикаПравоПриборостроениеПрограммированиеПроизводствоПромышленностьПсихологияРадиоРегилияСвязьСоциологияСпортСтандартизацияСтроительствоТехнологииТорговляТуризмФизикаФизиологияФилософияФинансыХимияХозяйствоЦеннообразованиеЧерчениеЭкологияЭконометрикаЭкономикаЭлектроникаЮриспунденкция

Тест тапсырмалары. 1. Тұндырып титрлеу әдісімен иондарды анықтағанда қандай шарттар сақталуы керек?

Читайте также:
  1. Айналым. Тест тапсырмалары.
  2. Айналым. Тест тапсырмалары.
  3. Айналым. Тест тапсырмалары.
  4. айналым. Тест тапсырмалары.
  5. Тест тапсырмалары
  6. Тест тапсырмалары
  7. Тест тапсырмалары
  8. Тест тапсырмалары
  9. Тест тапсырмалары
  10. Тест тапсырмалары
  11. Тест тапсырмалары

1. Тұндырып титрлеу әдісімен иондарды анықтағанда қандай шарттар сақталуы керек?

1) тұнба іс жүзінде ерімейтін болуы керек;

2) тұнба тез түзілуі қажет;

3) тұнба бетінде иондардың адсорбциясын болдырмау қажет;

4) эквивалент нүктесін анықтау үшін индикатор қажет;

5) барлық шарттар дұрыс.

2. Мор әдісімен хлоридтерді анықтауда титрлеудің аяқталуын қандай белгілер арқылы білуге болады?

1) қызыл-ыш түсті тұнбаның пайда болуынан;

2) қоңыр-қызыл бояудың жоғалуымен;

3) ақ тұнбаның түзілуімен;

4) ақ тұнбаның еруімен;

5) ерітіндінің қызыл түске боялуынан.

3. Хлоридтерді қышқылды ортада күміс нитратымен тура титрлеуге бола ма?

1) болмайды, себебі эквивалент нүктесін анықтауға арналған индикатор жоқ;

2) болмайды, себебі қышқылдық ортада тұнба қиын коагуляцияланады;

3) болмайды, себебі күміс хлориді қышқылда біршама ериді;

4) флуоресцеин индикаторымен титрлеуге болады;

5) титрлеуге болады, егер титрлеудің соңғы нүктесі потенциометрлік немесе амперометрлік әдістермен анықталса.

4. Не себепті хлоридтерді анықтауда адсорбциялық индикатор флуоресцеинді қышқылдық ортада қолдануға болмайды?

1) индикатор қышқылдық ортада ыдырайды;

2) индикатордың адсорбциялануы оның өте үлкен артық мөлшерінде ғана өтеді;

3) индикатор тұнбамен адсорбцияланбайды, себебі қышқылдық ортада индикатордың диссоциациялануы өте аз шамада жүреді;

4) индикатордың тұнбамен адсорбциялануы эквивалент нүктесінен анағұрлым ерте жүреді;

5) барлық себептердің орны бар.

5. Фольгард әдісімен хлоридтерді анықтауға қандай иондар кедергі жасамайды?

1) NO3-; 2) AsO43-; 3) PO43-; 4) CO32-; 5) J-.



6. Қандай жағдайда хлоридтерді Мор әдісімен анықтауға болмайды?

1) нитрат-иондары қатысында;

2) рН = 7 болғанда;

3) рН = 12 болғанда;

4) сульфат-иондары қатысында;

5) натрий иондары қатысында.

7. Хлорды Мор әдісімен қандай хлоридтер ерітіндісінде анықтауға болады?

1) BіCl3; 2) MnCl2; 3) HgCl2; 4) NH4Cl; 5) CaCl2.

8. Мор әдісімен хлорды анықтаған кездегі индикатордың ролін көрсететін дұрыс жауапты табыңыз:

1) күміс иондарының артық мөлшері хромат ионымен қызыл-ыш т‰стҢ тұнба түзеді;

2) хромат-ионы күміс ионымен қызыл-ыш түстес ерітінді береді;

3) эквивалентті нүктеде күміс хлориді күміс хроматына айналады және тұнба үстіндегі ерітінді өз түсін өзгертеді;

4) күміс хлоридінің тұнбасы хромат иондарын адсорбциялайды және өзінің түсін өзгертеді;

5) дұрыс жауап келтірілмеген.

9. Не себепті хлоридтерді Мор әдісімен анықтағанда индикаторды қышқылдық ортада қолдануға болмайды?

1) күміс хлоридінің тұнбасы калий хроматын адсорбциялайды;

2) күміс хроматының тұнбасы күміс бихроматына айналады;

3) күміс хроматының аса қаныққан ерітіндісі түзіледі;

4) күміс хроматы қышқылда жақсы ериді;

5) дұрыс жауап келтірілмеген.

10. Тұндырып титрлеу қисығындағы күрт ауытқу шамасы ең көп дәрежеде неге тәуелді болады?

1) тұнбаның ерігіштік көбейтіндісі мен әрекеттесетін ерітінділер концентрациясы шамаларына;

2) ерітінділер концентрациясына;

‡агрузка...

3) титрлеу жылдамдығына;

4) индикаторды таңдап алуға;

5) ерітінді температурасына.

11. Аргентометрлік тұндыру әдісі бойынша титрлегенде қандай тұнбаның түзілуі қолданылады?

1) AgCl; 2) Fe(OH)3; 3) CaSO4; 4) PbJ2; 5) Ag2S.

12. Мор әдісімен аргентометрлік титрлеуде қандай индикатор қолданылады?

1) K2Cr2O7; 2) K2CrO4; 3) PbCrO4; 4) Ag2CrO4; 5) Ag2Cr2O7.

13. Төменде келтірілген қосылыстардың қайсысы Фольгард әдісінде индикатор ретінде қолданылады?

1) (NH4)2Fe(SO4)2.6H2O; 2) NH4Fe(SO4) 2.12H2O + HNO3 конц.;

3) FeSO4; 4) K3[Fe(CN)6]; 5). K4[Fe(CN)6].

14. Адсорбциялық индикаторларды қолдануда реакция өнімінің қандай түрі қолайлы деп есептелінеді?

1) аморфты;

2) ұсақ кристалды;

3) ірі кристалды;

4) аморфты-кристалды;

5) дұрыс жауап келтірілмеген.

15. Төменде көрсетілген ерітінділердің қайсысын AgNO3 ерітіндісімен титрлегенде титрлеу қисығының күрт өзгеретін (эквивалентті) бөлігі ең үлкен болады?

1) 1 моль/л NaCl; 2) 0,1 моль/ л NaBr; 3) 0,1 моль/л NH4Cl;

4) 0,1 моль/л KІ; 5) 1 моль/л KІ.

16. Мырыш тұзы ерітіндісін K4[Fe(CN)6] ерітіндісімен титрлеуді қандай ортада жүргізеді?

1) аммиакты ерітіндіде;

2) азотқышқылды ерітіндіде;

3) сұйытылƒан күкірт қышқылды ерітіндіде;

4) рН>9 буферлі ерітіндіде;

5) ерітінді құрамының маңызы жоқ (әсер етпейді).

17. Мырыш тұздарын K4[Fe(CN)6] ерітіндісімен титрлеуде қандай индикатор қолданылады?

1) фенолфталеин; 2) ксиленолды қызғылт; 3) K3[Fe(CN)6];

4) дифениламин; 5) K3[Fe(CN)6] + дифениламин.

18. Мырышты K4[Fe(CN)6] ерітіндісімен титрлеуде индикатор ретінде дифениламиннің азотқышқылды ерітіндісін қолдануға бола ма?

1) титрлеуді кез-келген қышқыл ерітіндісінде жүргізуге болады;

2) болмайды, себебі азотқышқылды ерітінділерде ферроцианид мырыш (ІІ) иондарымен тұнба түзбейді;

3) болмайды, себебі азотқышқылды ортада ферроцианид мырыш-иондарымен құрамы белгісіз тұнба түзеді;

4) болмайды, себебі дифениламин нитрат-иондары әсерінен көк түске боялады;

5) дұрыс жауап келтірілмеген.


Тарау


Гравиметриялық анализ

13.1. Гравиметриялық анализдің негізі

Заттың сандық мөлшерін оны тұндырып, бөлінген тұнбаның массасын анықтауға негізделген әдісті гравиметриялық анализ дейді. Гравиметриялық анализде анықтайтын компонентті үлгіден газ түрінде бөліп шығарып та анықтайды, оны айдау әдісі деп атайды. Бұл әдісте не айдалған заттың массасы, не қалған қалдықтың массасы анықталады.

Тұндыру әдісінде анализдейтін заттың белгілі бір мөлшерін өлшеп ерітеді, содан кейін анықтайтын элементті жаман еритін қосылыс түрінде тұндырады. Түскен тұнбаны сүзіп ерітіндіден бөледі, мұқият жуады, қыздырады, содан кейін оның массасын үлкен дәлдікпен өлшейді. Тұнбаның өлшенген массасы мен оның формуласын пайдаланып анықтайтын элементтің мөлшерін табады.

Гравиметриялық анализде тұнбаны екі түрге бөледі: тұндыру түрі және өлшеу немесе гравиметриялық түрі. Тұндыру түрі деп ерітіндіні лайықты реагентпен әрекеттестіргенде түсетін тұнбаны, ал өлшеу түрі деп массасы өлшенетін қосылысты айтады. Көптеген жағдайда тұнбаның тұндыру түрі мен гравиметриялық түрі бір-біріне сәйкес келеді (BaSO4, AgCl т.б.). Жиі тұнбаның тұндыру түрінің құрамы мен гравиметриялық түрінің құрамында айырмашылық болады. Мысалы, Mg2+ анықтағанда тұндыру түрі MgNH4PO4.6H2O, бұл тұнбаны қыздырғанда Mg2P2O7 болып ауысады. Тұнба Mg2P2O7 түрінде өлшенеді.

Кез келген тұнбаны гравиметриялық анализде пайдалана беруге болмайды. Гравиметрияда қолданылатын тұнбалар белгілі шарттарға сәйкес болуы қажет. Бірінші шарт тұнбаның ерігіштігіне қойылады: тұнбаның ерігіштігі өте төмен болуы керек, яғни анализдейтін элемент толық тұнуы қажет. Тұнбаның ерігіштігіне әсер ететін факторлар бұған дейінгі тарауда қарастырылған. Екінші шарт тұнбаның құрамына қойылады: тұндырғыштың әсерінен тек анықтайтын компонент және ол құрамы белгілі қосылыс түрінде тұнуы керек. Жоғарыда айтылғанындай, қосарланатұну нәтижесінде тұнба бөгде заттармен ластанып түсуі мүмкін, сондықтан кейде оның құрамының белгілі формуласын келтіру қиынға соғады. Бұл тұнбаның құрамындағы элементтің мөлшерін анық есептеуді қиындатады. Сондықтан, қосарланатұну – гравиметриялық анализдегі жіберілетін қателердің негізгі көзі. Қатені азайту үшін анализдің нәтижесіне қосарланатұну құбылысының әсерін жою керек.

Қосарланатұнуды кеміту үшін алдымен ұтымды анализдеу жолын таңдап алу керек. Мысалы, қоспаларды (микрокомпонент) анықтау қажет болса негізгі компонент (макрокомпонент) пен анықтайтын компонентті бөліп алу ретін сақтау керек. Бірінші аз мөлшердегі қоспаны тұндыру керек. Егер алдымен негізгі компонентті тұндырса, онда көп мөлшерде көлемді тұнба түседі де, бұл тұнба анықтайтын қоспаның негізгі мөлшерін қосарландыра тұндырады, сондықтан қоспаны анықтағанда дұрыс нәтиже алынбайды.

Қосарланатұнуды ұтымды тұндырғыш таңдап алып кемітуге де болады. Тәжрибе көрсеткендей органикалық тұндырғыш­тарды пайдаланып алынған тұнбалар бөгде заттармен аз ластанады.

Қосарланатұнуды азайтудың бір жолы тұнбаларды алу жағдайларын қадағалап сақтау (11.5), себебі ерітінділерді араластыру реті, олардың концентрациялары және температура­сы, тұндырғышты қосу жылдамдығы т.б. тұнбаның ластануына үлкен әсер етеді.

Кристалды тұнбаларды «ескіртуге» қалдырудың да маңызы зор, себебі бұл жағдайда тұнбаның беткі ауданы кішірейеді, демек бөгде бөлшектердің адсорбциялану мүмкіншілігі азаяды. Сонымен қатар ұсақ кристалдар еріп, окклюзия құбылысы да кемиді.

Қосарланатұну сәйкес иондардың табиғатына өте күшті байланысты болғандықтан бір ионды екінші ионға ауыстырып қосарланатұну құбылысын кемітуге болады. Мысалы BaSO4 тұнбасын Fe3+ иондары бар ерітіндіден түсірсе тұнба осы иондармен ластанып түседі. Ал алдын ала Fe3+-ті Fe2+-ге дейін тотықсыздандырса, тұнба таза болып түседі, себебі Fe2+ иондарының BaSO4 тұнбасымен қосарланатұну қабілеттігі Fe3+ иондарына қарағанда әлдеқайда төмен. Сол сияқты қосарланатұнатын иондарды тұрақты комплекстік қосылысқа айналдыруға да болады. Мысалы, Ba2+ мен Fe3+ иондары бар ерітіндіден BaSO4 тұнбасын этиленекіаминтөртсіркеқышқы­лының екі натрийлі тұзын (ЭДТА) қосып түсірген жөн. Бұл жағдайда Fe3+ қоспасы комплекстік қосылыс түрінде ерітіндіде қалады.

 

13.1.1. Тұнбаның тазалығы, тұнбаны сүзу және жуу

Тұнбаны адсорбцияланған қоспалардан тазалау үшін оны жақсылап жуу керек. Бірақ бұл жолмен изоморфты және окклюзияланып түскен қоспалардан арылуға болмайды. Сондықтан мұндай қоспаларды жою үшін қайта тұндыру тәсілін пайдаланған жөн. Бұл әдісте алынған тұнбаны сүзіп жуғаннан кейін оны сәйкес еріткіште (мысалы, қышқылда) ерітіп, сұйылтып, тұнбаны қайтадан түсіреді. Тұнбаны жуып еріткенде ерітіндіге тек тұнбамен қосарлана түскен қоспалар ғана ауысады, сондықтан олардың концентрациясы бұл ерітіндіде алғашқы ерітіндіге қарағанда анағұрлым (жиі жұз, мың еседей) аз болады.

Қоспалардың тұнбамен адсорбциялану қабілеттігі олардың концентрациясы азайған сайын кемитінін еске алсақ, екінші рет түсірілген тұнбамен қосарланатүскен қоспалардың мөлшері күрт азаяды. Бұл әдіс анықтайтын компонентті тұндырғанда ерітіндіде алынған тұнбамен қосарланатүсетін бөгде компоненттің концентрациясы көп болған жағдайда жиі пайдаланылады. Бұл әдіс әсіресе ескіртуге болмайтын көлемді, қоспаларды жақсы адсорбциялайтын аморфты тұнбалар алғанда тиімді пайдаланылады. Бұл жағдайларда екінші рет тұндыру тұнбаның ластануын азайтып, анықтаудың дәлдігін артырады. Бұл әдісті тұнбаны ерітуге лайықты еріткіш болмаған жағдайда пайдалануға болмайды (мысалы, BaSO4).

Үшінші шарт тұнбаның құрылымына қойылады. Тұнбаның құрылымы оны жеңіл сүзіп және қоспалардан жеңіл жуатындай болуы керек. Бұл шартты тұнбалардың табиғатына қарай (кристалды, аморфты) тұндыру жағдайларын сақтау арқылы қанағаттандыруға болады. Тұнбаның фильтрленуі және тазалануы қатты заттың бөлшектерінің мөлшеріне байланысты. Ірі кристалды тұнбалармен жұмыс жасау өте ыңғайлы, себебі олар сүзгіштің саңлауларын бітемейді, жеңіл сүзіледі және жуылады. Кристалды тұнбаларды дұрыс тұндырмаса, онда ұсақ кристалды тұнбалар алынып, олар фильтрден өтіп кетуі мүмкін. Сонымен қатар ұсақ кристалды тұнбалар сүзгіштен саңылауларын бітеп, сүзу процесін өте баяулатады.

Қоймалжындалған аморфты тұнбалардың (мысалы, Al(OH)3) беткі қабаты өте үлкен болады да, ерітіндіден бөгде иондарды жақсы адсорбциялайды және олардан қиын жуылады. Мұндай тұнбалардың сүзілуі де өте баяу жүреді. Сондықтан аморфты тұнбаларды пайдаланғандағы осы ыңғайсыздықтарды жою үшін бұндай тұнбаларды алу жағдайларын қатаң қадағалап сақтау керек.

Тағы бір қажетті шарт – тұнбаның тұну түрі гравиметрия­лық (өлшеу) түріне жеңіл және толық ауысуы керек. Анализдің аяғында түсірілген тұнбаны сүзіп, жуғаннан кейін оны кептіріп, не қыздырып тұнбаның өлшеуге ыңғайлы гравиметриялық түрін алады. Тұнбаны термиялық өңдеу оның массасы тұрақты шамаға келгенше жүргізіледі. Бұл жағдай тұнбаның тұну түрі түгел гравиметриялық түріне ауысқанын көрсетеді. Тұнбаның қасиетіне қарай ол оны қыздырғанда не өзгермей қалады (мысалы, BaSO4), не химиялық өзгеріске түседі (мысалы, 2Fe(OH)3 → Fe2O3 + 3H2O). Кей тұнбалардың өзгерісі қыздыру температурасына байланысты болады. Мысалы: 2000C-та CaC2O4.H2O (CaC2O4 + H2O) – ге айналады, 475-525оC-та ол әрмен қарай ыдырайды CaC2O4 CaCO3 + CO, 900-10000C-та кальций оксиді пайда болады CaCO3 CaO + CO2↑.

Тұнбаның гравиметриялық түріне де бірнеше шарттар қойылады:

1. Өлшенетін тұнбаның құрамы белгілі химиялық формула­ға сәйкес болуы керек, себебі үлгідегі анализдейтін компоненттің мөлшерін өлшенген тұнбаның салмағына қарап анықтайды.

2. Тұнбаның гравиметриялық түрі ауада химиялық тұрақты болуы керек. Егер қыздырылған тұнба ауадан судың буын, CO2 не т.б. заттарды қосып алса, өзінің құрамын өзгертіп белгілі химиялық формулаға сәйкес келмеуі мүмкін.

3. Өлшенетін тұнбаның құрамында анықтайтын элементтің мөлшері аз, ал салыстырмалы молекулалық массасы үлкен болғаны жөн. Бұл жағдайда анализдің нақты нәтижесіне анықтауда жіберілген әртүрлі қателер аз дәрежеде әсер етеді.

 

13.1.2. Тұнбаны кептіру және құрыштау

Тұнбаның ерігіштігіне, қосарланатұну және адсорбциялану­ға байланысты кедергілерге қарамастан гравиметриялық анализ көптеген элементтерді анықтауға ең дәл химиялық әдіс болып есептеледі. Сондықтан гравиметриялық анализ негізгі талап әдістің жылдамдығына емес, дәлдігіне қойылатын стандартты әдіс ретінде ұсынылады.

Гравиметриялық анализді жүргізу өте көп уақыт алады. Бұл анализді жүргізетін химик тәжрибелі және сабырлы болуы керек. Осының нәтижесінде жаппай анализде пайдаланылатын көптеген гравиметриялық әдістер басқа ыңғайлы әдістермен ығыстырылды. Бірақ та қазіргі кезде аналитикалық аспаптарды калибрлеуге қажетті стандартты нәтижелер алу үшін грави­метрия­лық әдістің орнына оны алмастыра алатын басқа әдіс табу өте қиын. Гравиметриялық анализдің кең мүмкіншілігін бағалау үшін оның периодтық жүйедегі барлық дерлік элементтерді анықтауға қолданылатынын атап кетуге де болады.

 

 

13.2. Гравиметриялық анализде жүргізілетін есептеулер

Гравиметриялық әдісте анализдейтін үлгінің нақты мөлшері m (үлгі) және осы мөлшерден алынған құрамы белгілі тұнбаның массасы m (тұнба) өлшенеді. Осы мәндерді пайдаланып анықтайтын компоненттің проценттік мөлшерін табу қиын емес. Егер анықтайтын компонентті А деп белгілесек, онда

  %А= ·100
А-ның массасы
Нақты мөлшердің массасы


( 13.1)

 

Жиі А-ның массасы тікелей өлшенбейді. Құрамында А бар тұнбаның массасы анықталады. Сондықтан тұнбадағы А-ның мөлшерін есептеу қажет. Мысалы, BaSO4 – тұнбаның гравиметриялық түрі, анализдеу нәтижесінде Ва-дің массасын анықтау керек. Қажетті нәтижені қарапайым пропорция құрып алуға болады. BaSO4 молярлы массасын M(BaSO4), Ba молярлы массасын М(Ва), ал BaSO4 пен Ва массаларын m(BaSO4), m(Ba) деп белгілесек:

 

M(BaSO4) г BaSO4 құрамында М(Ba) г Ва бар

 

m(BaSO4) г – « – - « – X г – « – - « –

 

 

Анықтайтын заттың молярлы массасының тұнбаның грави­метриялық түрінің молярлы массасына қатынасы гравиметриялық фактор, не қайта есептеу факторы деп аталады, ол F әрпімен белгіленеді:

 

F = M(Ba) / M(BaSO4), осыдан

 

m(Ba) = m(BaSO4) . F

 

Анықтайтын компонент атомдарының саны бөлшектің алымы мен бөлімінде бірдей болу үшін гравиметриялық факторды есептегенде анықтайтын заттың химиялық формуласындағы және гравиметриялық түріндегі стехио­метриялық коэффициенттерді еске алу керек. Мысалы, Mg массасы Mg2P2O7 массасы арқылы анықталғанда:

F = 2M(Mg)/M(Mg2P2O7), себебі M(Mg2P2O7) құрамында 2M(Mg) бар.

m(Mg) = m(Mg2P2O7) . = m(Mg2P2O7) . F

 

Кейде анықталатын зат тұнбаның гравиметриялық түрінің құрамына кірмеуі де мүмкін. Мысалы, темір сульфаты Fe2(SO4)3 ерітіндісіндегі Fe(III) мөлшерін осы ерітіндіден түсірілген BaSO4 тұнбасының массасы арқылы есептеуге болады. Бір моль Fe2(SO4)3 екі моль Fe3+ және 3 моль SO43- иондарынан тұрады, сондықтан гравиметриялық фактор мынандай пропорциямен анықталады:

 

2M(Fe) ------------------- 3M(BaSO4)

 

F ------------------- 1

 

 

Көптеген тәжрибелік маңызы бар анықтаулардың гравиметриялық факторлары үлкен дәлдікпен есептелінген және олар аналитикалық анықтамалықтарда келтірілген. Енді (13.1) теңдікті тәжрибеде пайдалануға ыңғайлы түрге келтіруге болады:


Бақылау сұрақтары мен жаттығулар

1. Гравиметриялық анализдегі – тұндыру тәсілінің мәні неде?

2. Тұнбаның тұндыру және гравиметриялық түрлері деген не? Гравиметриялық анализде тұнбаның осы түрлеріне қандай шарттар қойылады?

3. Кальцийдің келтірілген тұздарының қайсысын гравиметриялық анализде пайдалануға болады: CaSO4 (EK = 2,37.10-5) және CaC2O4 (EK = 2,3.10-9)?

4. Гидроксидтерді, мысалы Fe(OH)3, Al(OH)3 т.б., тұнбаның гравиметриялық түрі ретінде пайдалануға бола ма? Анализ жүргізгенде оларды неге қыздырады? Неге CaCO3 CaO-ға қарағанда тұнбаның ыңғайлы гравиметриялық түрі деп есептелінеді?

5. Тұнбаның жоғалған бірдей мөлшері қай анықтаудың нәтижесіне көбірек әсер етеді: фосфорды Mg2PO7 түрінде, не (NH4)3PO4.12MoO3 түрінде анықталғанда ма? Тұнбаның 1 мг гравиметриялық түрінің жоғалуына сәйкес есептеулер жасаңдар.

6. Не себепті затты тұндырғанда тұндырғыштың көп артық мөлшерін алуға болмайды?

7. Нашар еритін электролиттердің толық тұнуына ерітіндінің рН-ның әсерін қалай түсіндіруге болады? Қай жағдайда рН әсері үлкен, қай жағдайда ол әсер етпейді? Мысалдар келтіріңіз.

8. Не себепті кристалды тұнбаларды алғанда белгілі жағдайлар жасайды? Бұл қандай жағдайлар? Ерітіндінің тұндыратын қосылыспен салыстырғандағы асақанығуы дәрежесінің әсері қандай?

9. Кристалды тұнбалар «ескіргенде» қандай процестер жүреді? Неге тұнбаны «ескірту» анализге тиімді?

10. Коллоидты ерітінді деген не? Оның пайда болуының анализге әсері қандай? Коагуляция деген қандай құбылыс?

11. Аморфты тұнбаларды тұндыруға қандай жағдайлар жасалынады?

12. Қосарланатұну деген не? Гравиметриялық анализде оның зиянды әсері қандай?

13. Адсорбция деген не? Кристалды және аморфты тұнбалардың қайсысы өзінің бетінде еріген қоспаларды жақсы адсорбциялайды? Оны қалай түсіндіруге болады?

14. Адсорбция құбылысына: а) температура, б) адсорбцияланатын заттардың ерітіндідегі концентрациясы қалай әсер етеді? Адсорбциялану заңдылығы қандай?

15. Күміс ацетатының ерігіштігі күміс нитратының ерігіштігіне қарағанда төмен. Осы екі тұздың қайсысынан хлорид-иондарымен тұндырғанда тазалау AgCl тұнбасы алынады?

16. Окклюзия деген не? Окклюзияның түрлерін келтіріндер.

17. а) катиондардың, б) аниондардың окклюзиясын азайту үшін CaC2O4 тұнбасын қалай тұндыру керек?

18. Изоморфизм деген не? KCl және KBr кристалдарды бір-біріне изоморфты, ал KCl және NaCl бір-біріне изоморфты емес. Осы айырмашылықты қалай түсіндіруге болады?

19. Қосарланатұну құбылысын азайту жолдарын келтіріңіз. Қайтадан тұндыру деген не, оны қалай жүргізуге болады?

20. Тұнбаны неге жуады? Жуу сұйығын қалай таңдап алады?

21. 0,7000 г CaCO3 еріген ерітіндіден Ca2+-ионын толық тұндыру үшін 0,25 M (NH4)2C2O4 ерітіндісінің неше миллилитрі қажет?

22. Тығыздығы 0,99 г/см3 құрамында 25% NH3 бар аммиак ерітіндісінің массасы 1 г ашутастағы (NH4Fe(SO4)2.12H2O) темірді тұнбаға түсіруге неше миллилитрі жұмсалады?

23. CaCO3 тұнбасы 300 мл сумен жуылды. Тұнба мен жуу сұйығының арасында тепе-теңдік пайда болатынын еске алып, неше грамм CaCO3 еритінін есептеңдер.

24. CaCO3 тұнбасын 300 мл 0,1 M (NH4)2CO3 ерітіндісімен жуса неше грамм CaCO3 ериді?

25. Гравиметриялық фактор деген не? Келесі гравиметриялық анықтауларға сәйкес гравиметриялық факторларды есептеңдер:

 

Анықтайтын компонент Гравиметриялық түрі
Al Al2O3
CO2 BaCO3
Cr2O72- BaCrO4
H3PO4 Mg2P2O7
SiF4 SiO2.12MoO3
Hg2Cl2 Hg3(AsO4)2

 

26. 0,420 г а) K2SO4, б) AgNO3 тұздарынан неше грамм Ag2SO4 алуға болады?

27. Құрамында мыс бар 0,864 г үлгіден 0,397 г Cu2(SCN)2 тұнбасы алынған. Мыстың массалық үлесін есептеңдер ( %).

28. 1,500 г цементтің нақты мөлшерінен 0,2105 г Mg2P2O7 алынды. MgO-ның цементтегі массалық үлесін (%) есептеңдер.

29. 5,000 г алюминий құймасынан 0,5022 г ZnHg(SCN)4; 0,1255 г Mg2P2O7 және 0,0560 г SnO2 алынды. Құймадағы Zn, Mg, Sn элементтерінің массалық үлесін (W%) есептеңдер.

30. Массасы 1,000 г сәйкес құрыштың нақты мөлшерінен жалпы массасы 0,1021 г SiO2 және WO3 тұнбалары алынды. Тұнбаны HF-мен өңдеп SiO2-ні ұшырғаннан кейін қалған WO3 массасы 0,0712 г. болады Құрыштағы Si мен W элементтерінің массалық үлесін есептеңдер.

 


1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 |


При использовании материала, поставите ссылку на Студалл.Орг (0.044 сек.)