О войтах

На селах войтове мают мети по одной волоце вольной; а похочет ли, мает ему и другая быти придана на цыншу, ошацовавши вси повинности и доходы водле грунту. А служба их то:

– З росказанья врядового, людей на роботу, теж с цыншы и с платы нашими, выгоняти и при отдаванью платов быти.

– Подданых наших к праву вместо децкого перед урядом ставити.

– При роботах всяких вместо пристава над людми войтовства свого стояти.

– При отвоженью овсов и сена до Вильни и инде, з людьми войтовства свого ездити и их отдавати.

– Переоры волок пустых и нанятых, стены границы и копцы на кождый рок межи поддаными нашими поправовати и поновляти, под виною копою грошей. А где бы от котрого суседа видел копцы альбо границы покажоны, мает то врядови оповедати, под тою ж виною.

А судити вряду подданых о всем дня торгового, кром причины кровавое и гвалтовное. О такой вине – колиж-колвек повелит уряд ставити к праву подданого, – войт повинен (судити). А который бы с подданых войта послушен не был, а позваньем его перед урядом не стал, по такового своевольного вряд децкого послати мает и от непослушного децкованья на милю в обе стороны грош. А при суде войту быти и справедливости подданому допомагати. Вин наших ведомость мети и ревизором оповедати и того стережи абы вряд вин и пересудов над уставу не брал. А естли бы за мовенем его вряд того не перестал, мает то войт ревизору оповедати.

А войта вряду о всякую вину судити, только войтовства у него не отнимати, аж посполу то ревизорам дознавши вину и неслушную справу его, и, того скинувши войта, иншого уставити, мужа тое ж волости, неподозреного, на котрого подданые зволят. Которые войтове и теж лавники по селам судов жадных судити, поклонов вымогати и вымыслов над поддаными чинити не мают под виною до скарбу нашого рублем грошей. Одно, обачивши где-колве шкоду нашу господарскую, урядови або ревизору оповедати, ничого не закрываючи, под тою ж виною. А коли войтовство кому дают, присягати ему ненадобе, кгдыж вже вина на войта описана. А откупов уряд с подданых за роботу брати не мает, а где ж бы брал, войт мает ревизору оповедати под виною копою грошей. А ести бы войт волоку пустую кому нанял альбо от уряду нанятую перед ревизором утаил, тогды за то скарати его, яко злодея – горлом.

А у войтовство кождому мает быти придано волок сто альбо больше водле прилеглости, хотя два и три села, и больш злучити. А для розознанья межи подданых войт мает мети шнур однакове меры, справленый и досветченый, и часу мокрого альбо сухого завжды его лихтовати; и ести подданый один другому межу переорет и сказити, ино вряднику на копу не ездити и проезду не брати, але войт межу направит и возмет на том, хто ее сказил: на вряд дванадцять грошей, а собе, за працу, – чотыри грошы. А вина битая, правом переведеная, дванадцять грошей, а хотя бы не переведена и за обжалованьем поеднана, – таковая ж вина. А ести бой станется, а не жалуючи вряду поеднаються: тая вина шесть грошей, хто еднает, и обьявити того виною копою грошей.

Лавники в селах по два и по три альбо и больш, подле великости села, мают быти встановлены – люди неподозреные, веры годные, которых повинность шкод межи подданых в испасех и в иншых речех оглядати. А за працу лавнику оглядного от шкоды грош. За тым же грошом, то што ему оказывано, справедливе под присегою перед урядом сознавати повинен. А посветчит ли несправедливе, ино карати его за слушным доводом, яко кривоприсяжца – горлом. А безчестья лавнику рубль грошей. Нижли от потяглей и всяких повинностей с поддаными з волок своих вызволены быти не мают.

Поиск по сайту: