Емтихан билеті №48

1. Мемлекеттік еңбек инспекторының актілері

Қазақстан Республикасы еңбек заңнамасын бұзушылықтардың анықталуына қарай мемлекеттік еңбек инспекторы мынадай актілер:
1)нұсқама:
Қазақстан Республикасы еңбек заңнамасының талаптарын бұзушылықтарды жою туралы;
жарақаттану қаупі бар және авариялық жағдайлардың туындауын болғызбау үшін өндірістік объектілер мен жабдықтардағы, сондай-ақ өндірістік процестердегі еңбек қауіпсіздігі және еңбекті қорғау жөніндегі алдын алу жұмыстарын жүргізу туралы;
жекелеген өндірістердің, цехтардың, учаскелердің, жұмыс орындары мен жабдықтардың пайдаланылуына және тұтас алғанда ұйым қызметіне тыйым салу (оны тоқтата тұру) туралы нұсқама шығарады (жасайды). Бұл ретте ұйым қызметіне тыйым салу (оны тоқтата тұру) туралы акт сот шешімі шығарылғанға дейін қолданылады;
2) әкімшілік құқық бұзушылық туралы хаттама;
3) әкімшілік құқық бұзушылық туралы іс бойынша іс жүргізуді тоқтату туралы қаулы;
4) әкімшілік құқық бұзушылық туралы іс бойынша қаулы шығарады.
Мемлекеттік еңбек инспекторының актілері жұмыс берушілер мен лауазымды адамдардың Қазақстан Республикасы еңбек заңнамасының талаптарын бұзушылықтарына ықпал етудің құқықтық шаралары болып табылады. Актілер екі дана етіп жасалады, оның біреуі қолы қойғызылып, жұмыс берушіге тапсырылады.
Лауазымды адамдар, жеке және заңды тұлғалар мемлекеттік еңбек инспекторының актілерін орындауға міндетті.
Мемлекеттік еңбек инспекторы актілерінің нысанын еңбек жөніндегі уәкілетті мемлекеттік орган бекітеді.

Инспекциялық тексеру нәтижелері бойынша екі дана акт жасалынады. Оған қосымша өнім үлгілерін алу туралы, қоршаған орта объектілерін зерттеу туралы, жүргізілген зерттеулер мен сараптамалар қорытындылары туралыхаттамалар, мемлекеттік бақылау органына міндетті талаптарды бұзғаны үшін жауапкершілік жүктелетін лауазымды тұлғалардың түсініктемелері, және бақылау бойынша шаралар нәтижелерімен байланысты өзге де құжаттар мен олардың көшірмелері жасалғандығы туралы актілер тіркеледі, актінің бір данасы қосымшалар көшірмесімен бірге заңды тұлғаның басшысына немесе оның орынбасарына, жеке кәсіпкерге немесе оның өкіліне қабылдағаны туралы қол қойғызылып алу арқылы беріледі немесе почта байланысы арқылы тапсырылғаны туралы қол қойғыщылуы арқылы жіберіледі, ол қол қойылған қағаз еңбек инспекциясы органына қалатын акт данасына қосылып тігіледі.

2. Қызметкердің рұқсатынсыз үстеме жұмыстарға тартуға жол беріледі ме

Қызметкерлердің келісімінсіз үстеме жұмыстарға тек қана мынадай жағдайларда:
1) ел қорғанысы үшін, сондай-ақ төтенше жағдайларды, дүлей зілзаланы немесе өндірістік аварияны болдырмау не олардың зардаптарын дереу жою үшін қажетті жұмыстар жүргізу кезінде;

2) сумен жабдықтаудың, газбен жабдықтаудың, жылумен жабдықтаудың, энергиямен жабдықтаудың және тіршілікті қамтамасыз етудің басқа жүйелерінің қалыпты жұмыс істеуін бұзатын өзге де мән-жайларды жою үшін;

3) егер үзіліс жасауға болмайтын жұмыста ауыстыратын қызметкер келмей қалғанда, басқа қызметкермен ауыстыру шарасын дереу қолдана отырып, жұмысты жалғастыру үшін жол беріледі.

Үстеме жұмыстарға тартудың аталған негіздерден басқа үстеме жұмыстарға қызметкерлердің келісімінсіз тартуға тыйым салынады, өйткені заң ҚР ЕК 89б. Талаптарын ескере отырып, басқа негіздер бойынша тек қызметкердің келісімі бойынша тартуға жол береді.

ҚР ЕК 90б. Аталған негіздерден басқа үстеме жұмыстарға басқа заңдарда ерекше көзделгенде жол берілуі мүмкін (мысалы, көдікте немесе жүктердің жинақталуын алдын алу мақсатында тиеу-түсіру жұмыстарында; маусымдық жұмыстарында, орман өнеркәсәбәнәі жұмыстарында және т.б.)

Үздіксіз жұмыстарда аусымшыға ауыстыратын қызметкердің келмегенінде жұмысты тастап кетуге тыйым салынады. Ауыстыратын адам келмей қалған жағдайда қызметкер жұмыстағы басшыға айтуға, ал ол болса ауысымшының басқа қызметкермен ауыстыру шараларын дереу қабылдауға міндетті. Бұл ереже үздіксіз өндірісі бар ұқйымдардың ішкі еңбек тәртіптемесі ережелерінде көрініс табуы керек.

Жұмысқа кешігіп келу, одан ерте келу, жұмыста жоқ болуымен тәртіпті бұзушыны ағымдағы жұмыс күні немесе басқа жұмыс күні, демалыс немесе мереке күндері үстеме жұмысқа тартуға құқық бермейді.

Поиск по сайту: