Если нет, то пропустить их)

Пареми́и из Мине́и:

Диа́кон: П рему́дрость.

Чтец: П роро́чества Иса́иина чте́ние.

Диа́кон: В о́нмем.

(Из глав 63,64:)

Чтец: О брати́ся от небесе́, Го́споди, и виждь от до́му свята́го Твоего́ и сла́вы Твоея́: где есть ре́вность Твоя́ и кре́пость Твоя́? Где есть мно́жество ми́лости Твоея́ и щедро́т Твои́х, я́ко терпе́л еси́ нам, Го́споди? Ты бо еси́ Оте́ц наш, я́ко Авраа́м не уве́де нас, и Изра́иль не позна́ нас, но Ты, Го́споди, Оте́ц наш, изба́ви ны, я́ко изнача́ла И́мя Твое́ на нас есть. Почто́ уклони́л еси́ нас, Го́споди, заблуди́ти от пути́ Твоего́? Ожесточи́л еси́ сердца́ на́ша, е́же не боя́тися Тебе́? Обрати́ся раб Твои́х ра́ди, племе́н ра́ди насле́дия Твоего́. Да пома́ле насле́дствим го́ру святу́ю Твою́. Проти́вницы на́ши попра́ша святы́ню Твою́. Бы́хом я́ко от нача́ла, егда́ не владе́л еси́ на́ми, ниже́ назва́ся И́мя Твое́ на нас. А́ще отве́рзеши не́бо, тре́пет прии́мут от Тебе́ го́ры и раста́ются, я́ко воск от лица́ огня́ та́ет. И попали́т огнь супоста́ты Твоя́, и явле́но бу́дет И́мя Твое́ проти́вным Твои́м. От лица́ Твоего́ язы́цы возмяту́тся. Егда́ сотвори́ши сла́вная, тре́пет прии́мут от Тебе́ го́ры. От ве́ка не слы́шахом, ниже́ о́чи на́ши ви́деша Бо́га, ра́зве Тебе́, и дела́ Твоя́ и́стинна, и сотвори́ши терпя́щим Тя ми́лость. Сря́щет бо ми́лость творя́щия пра́вду, и пути́ Твои́ помя́нут. И ны́не, Го́споди, Оте́ц наш Ты еси́, мы же бре́ние; и Ты Созда́тель наш, и дела́ рук Твои́х вси мы. Не прогне́вайся на ны, Го́споди, зело́, и да не помяне́ши во вре́мя грехо́в на́ших; и ны́не при́зри, Го́споди, я́ко лю́дие Твои́ вси мы.

Диа́кон: П рему́дрость.

Чтец: П роро́чества Иереми́ина чте́ние.

Диа́кон: В о́нмем.

(Из главы 2:)

Чтец: С ия́ глаго́лет Госпо́дь: помяну́х ми́лость ю́ности твоея́ и любо́вь соверше́нства твоего́, е́же после́довати тебе́ Свято́му Изра́илеву; глаго́лет Госпо́дь Святы́й Изра́илев: Го́споду нача́ток рожде́ний его́, вси снеда́ющии его́ прегреша́т, зла́я прии́дут на ты́я; глаго́лет Госпо́дь: услы́шите сло́во Госпо́дне, до́ме Иа́ковль и все оте́чество до́му Изра́илева. Сия́ глаго́лет Госпо́дь: ко́е обрето́ша отцы́ ва́ши во Мне прегреше́ние, я́ко отступи́ша дале́че от Мене́, и ходи́ша в след суе́тных и осуети́шася. И не реко́ша; где есть Госпо́дь, возведы́й нас из земли́ еги́петския и путеводи́вый нас в пусты́ни, в земли́ сухо́й и нехо́дней, в земли́ безво́дней и непло́дней, и в се́ни сме́ртней, в земли́, по не́йже не про́йде когда́ муж, ниже́ всели́ся сын челове́чь та́мо. И возведо́х вы на Карми́л, е́же я́сти вам плоды́ его́ и блага́я его́; и внидо́сте и оскверни́сте зе́млю Мою́ и насле́дие Мое́ положи́сте в ме́рзость. Иере́е не ре́ша: где есть Госпо́дь; и держа́щиися зако́на не ве́деша Мя; и па́стырие нече́ствоваху в Мя; и проро́цы проро́чествоваху Ваа́лом и в след неполе́зных ходи́ша. Сего́ ра́ди еще́ возсужду́ся к вам, глаго́лет Госпо́дь, и к сыно́м сыно́в ва́ших возсужду́ся. Прейди́те во о́стровы Хеттии́м, и уви́дите, и в Кида́р посли́те, и уразуме́йте вельми́, и уви́дите, а́ще бя́ху такова́я. А́ще изменя́т язы́цы бо́ги своя́, и сии́ не суть бо́зи. Лю́дие же Мои́ премени́ша сла́ву его́, от нея́же не прии́мут по́льзы. Ужасе́ся не́бо о сем и вострепета́ на мно́зе зело́, глаго́лет Госпо́дь.

Диа́кон: П рему́дрость.

Чтец: П рему́дрости Соломо́ни чте́ние.

Диа́кон: В о́нмем.

(Из главы 4:)

Чтец: П ра́ведник, а́ще пости́гнет сконча́тися, в поко́и бу́дет. Ста́рость бо честна́, не многоле́тна, ниже́ в числе́ лет исчита́ется. Седи́на же есть му́дрость челове́ком, и во́зраст ста́рости – житие́ нескве́рное. Благоуго́ден Бо́гови быв, возлю́блен бысть и живы́й посреде́ гре́шник преста́влен бысть, восхище́н бысть, да не зло́ба измени́т ра́зума его́ или́ лесть прельсти́т ду́шу его́. Раче́ние бо зло́бы помрача́ет до́брая и паре́ние по́хоти пременя́ет ум незло́бив. Сконча́вся вма́ле, испо́лни ле́та до́лга, уго́дна бо бе Го́сподеви душа́ его́, сего́ ра́ди потща́ся от среды́ лука́вствия. Лю́дие же ви́девше, и не разуме́вше, ниже́ поло́жше в помышле́нии таково́е, я́ко благода́ть и ми́лость в преподо́бных Его́, и посеще́ние во избра́нных Его́.

Ектения́ сугу́бая:

Хор: Г о́споди, поми́луй. (единожды на первые два прошения, трижды с третьего прошения)

хор: Сподо́би, Го́споди…(можно на 8 глас)

Ектения́ проси́тельная:

Иере́й: Мир всем.

Хор: И ду́хови твоему́.

Диа́кон: Г лавы́ на́ша Го́сподеви прикло́ним.

Хор: Т ебе́, Го́споди.

Иере́й: Бу́ди держа́ва Ца́рствия Твоего́ благослове́на и препросла́влена. Отца́ и Сы́на и Свята́го Ду́ха, ны́не и при́сно и во ве́ки веко́в.

Хор: А ми́нь.

(Литии не будет)

Стихи́ры на стихо́вне:

Чтец: глас шестый, Воскресе́ние Твое́, Христе́ Спа́се.

Хор: В оскресе́ние Твое́, Христе́ Спа́се,/ А́нгели пою́т на Небесе́х,/ и нас на земли́ сподо́би,/ чи́стым се́рдцем// Тебе́ сла́вити.

Чтец: Госпо́дь воцари́ся,/ в ле́поту облече́ся.

ХОР: В рата́ сокруши́в ме́дная,/ и вереи́ а́довы сотры́й,/ я́ко Бог всеси́лен,/ род челове́ческий па́дший воскреси́л еси́./ Сего́ ра́ди и мы согла́сно вопие́м:// Воскресы́й из ме́ртвых, Го́споди, сла́ва Тебе́.

ЧТЕЦ: И́бо утверди́ вселе́нную,/ я́же не подви́жется.

Хор: Т ле́ния нас дре́вняго Христо́с испра́вити хотя́,/ на Кресте́ пригвожда́ется,/ и во гро́бе полага́ется./ Его́же мироно́сицы жены́ со слеза́ми иска́ху, пла́чуща глаго́лаху:/ увы́ нам, Спа́се всех,/ ка́ко изво́лил еси́ во гро́бе всели́тися;/ Всели́выйся же хотя́, ка́ко укра́ден был еси́;/ ка́ко преложи́лся еси́;/ ко́е же ме́сто Твое́ Живоно́сное сокры́ Те́ло;/ но, Влады́ко, я́ко обеща́лся еси́ нам яви́ся,/ и утоли́ от нас рыда́ние слез./ Пла́чущимся же им, А́нгел к ним возопи́:/ от пла́ча преста́вша Апо́столом рцы́те, я́ко воскре́се Госпо́дь,// мирови да́руя очище́ние и ве́лию ми́лость.

Чтец: До́му Твоему́ подоба́ет святы́ня,/ Го́споди, в долготу́ дний.

Р аспны́йся я́ко восхоте́л еси́, Христе́,/ и смерть погребе́нием Твои́м Плени́вый,/ тридне́вен воскре́сл еси́, я́ко Бог, со сла́вою,/ мирови да́руя безконе́чную жизнь,// и ве́лию ми́лость.

Чтец: Слава глас осьмый, Сла́ва Отцу́ и Сы́ну и Свято́му Ду́ху.

И ме́ет у́бо Боже́ственнейшая твоя́ душа́ и непоро́чная,/ приснопа́мятне Дими́трие,/ Небе́сный Иерусали́м жили́ще,/ его́же сте́ны пречи́стыма рука́ма Неви́димаго Бо́га живописа́шася./ И́мать же всечестно́е, и многострада́льнейшее твое́ те́ло/ преизря́дный сей храм на земли́,/ сокро́вище некра́домое чуде́с и неду́гов врачевство́,/ иде́же притека́юще, цельбы́ почерпа́ем./ Соблюди́, всехва́льне, тя велича́ющий град/ от проти́вных прираже́ний,// дерзнове́ние я́ко име́я ко Христу́, тя просла́вльшему.

Чтец: И ныне, глас тойже, И ны́не и при́сно и во ве́ки веко́в. Ами́нь.

Б езневе́стная Де́во,/ я́же Бо́га неизрече́нно заче́нши пло́тию,/ Ма́ти Бо́га Вы́шняго,/ Твои́х рабо́в мольбы́ приими́, Всенепоро́чная,/ всем подаю́щи очище́ние прегреше́ний,/ ны́не на́ша моле́ния прие́млющи,// моли́ спасти́ся всем нам.

Хор: Н ы́не отпуща́еши раба́ Твоего́, Влады́ко…

Чтец читает: Трисвято́е. П ресвята́я Тро́ице... О́ тче наш...

Иере́й: Я́ко Твое́ есть Ца́рство и си́ла и сла́ва Отца́ и Сы́на и Свята́го Ду́ха, ны́не и при́сно и во ве́ки веко́в.

Хор: А ми́нь.

Тропа́рь, глас 4:

Хор: Б огоро́дице Де́во, ра́дуйся,/ Благода́тная Мари́е, Госпо́дь с Тобо́ю:/ благослове́на Ты в жена́х/ и благослове́н Плод чре́ва Твоего́,// яко Спа́са родила́ еси душ на́ших. (Два́жды)