 |
АвтоАвтоматизацияАрхитектураАстрономияАудитБиологияБухгалтерияВоенное делоГенетикаГеографияГеологияГосударствоДомДругоеЖурналистика и СМИИзобретательствоИностранные языкиИнформатикаИскусствоИсторияКомпьютерыКулинарияКультураЛексикологияЛитератураЛогикаМаркетингМатематикаМашиностроениеМедицинаМенеджментМеталлы и СваркаМеханикаМузыкаНаселениеОбразованиеОхрана безопасности жизниОхрана ТрудаПедагогикаПолитикаПравоПриборостроениеПрограммированиеПроизводствоПромышленностьПсихологияРадиоРегилияСвязьСоциологияСпортСтандартизацияСтроительствоТехнологииТорговляТуризмФизикаФизиологияФилософияФинансыХимияХозяйствоЦеннообразованиеЧерчениеЭкологияЭконометрикаЭкономикаЭлектроникаЮриспунденкция
КЭШ – жады
Процессордың жұмыс жылдамдығы оның барлық бөлімшелерінің жұмыс жасау жылдамдығымен анықталады. Бұл бөлімшелердің жұмыс жылдамдығы оның аппараттық мүмкіндіктерімен, қабілеттеріне байланысты. Осы жағдайларды ескере отырып, процессорды өндірушілер аппараттық блоктардың жұмысын жылдамдату мақсатында кэш-жадын ойлап шығарды.
Кэш-жады компьютердің жедел жадысынан айырмашылығы - жұмыс жылдамдығы. Тәжірибе жүзінде, кэш-жадының жұмыс жылдамдығы қарапайым компьютердің жедел жадысынан он шақты есе жоғары, ол оның технологиялық үрдіспен жасалуы және қызмет шарттарымен тығыз байланысты.
Кэш-жадының бірнеше түрлері бар. Көбіне жылдамдығы жағынан жоғары бірінші дәрежелі кэш жады, содан кейін жылдамдығы жағынан екінші және үшінші дәрежелі кэш жадылар. Әдетте, тек қана алғашқы екі айқындама міндетті болып табылады. Қандай жағдайда да бұл жады жедел жадыдан тез жұмыс жасайды.
Кэш-жадының өлшеміне келер болсақ, ол процессордың моделі мен өндірушілерге байланысты әр түрлі болып келеді. Екінші және үшінші дәрежелі кэш-жадының өлшемі аз болады. Сонымен қатар, бірінші дәрежелі кэш-жады процессордың ұяшығында орналасқандықтан тез жұмыс жасайды.
АМD процессорының кэш-жадысына қарағанда Intel процессорының кэш-жадысының өлшемі үлкен болып келеді. Ол кэш-жадысының жұмыс алгоритмімен тығыз байланысты. АМD процессорының кэш-жадысы кез келген деңгейдегі бірегей нақты ақпараттарды сыйғыза алады, ал осындай жағдайда Intel кэш – жадысы қайталанатын нақты ақпараттарды сыйғызуы мүмкін.
Кэш-жадының қарапайым жадыдағы сияқты разрядтығы болады. Айтып кететін мәселе, әр өндірушілердің процессорлары кэш-жадымен әр-түрлі жұмыс жасайды: кейбірі үлкен разрядты, мысалы 256 бит, ал екіншілері - аз разрядты қолданады.
Ядролардың саны
Қазіргі уақытта бірнеше ядролары бар процессорлардың түрлі модельдерін кездестіруге болады. Hyper Threading технологиясы ұсынғандай виртуалдық ядролардан айырмашылығы процессорда бірнеше ядролар орналаса алады. Төрт тәуелсіз ядросы бар процессорлар қазіргі таңда қолданушылардың сұранысында.
Алғашқы екі ядролы процессорларда екі тәуелсіз ядро болды, яғни, әр-қайсысы бірінші және екінші дәрежелі кэш-жадысы бар бірдей құрылымды ядролардан тұрды. Қазір ядролар ортақ екінші дәрежелі кэш–жадыны құрайды, ол процессордың өнімділігін одан сайын арттырады.
Көп ядролы процессорды қолдану компьютердің өнімділігін жақсартады. Көп ядролыққа арналған бағдарламалар аз болғандықтан, процессордың тек бір ядросы жұмыс істейді. Алдағы уақытта, техниканың қарқынды дамуына байланысты, көп ядролыққа негізделген бағдарламалар пайда болады.
Процессорлардың интерфейсі
«Интерфейс» деген сөздің астында процессордың құрылысы деген мағына жатыр, яғни, ол жүйелік тақшадағы процессор слотының ерекше құрылысын анықтайды.
Процессордың даму жолында процессор слоты көп өзгеріске енді, бұл үнемі процессордың құрылысы мен процессор пластинасында түйіспе мөлшерінің көбеюіне әкеліп отырды. Бұдан басқа, әр өндірушінің процессорлары әртүрлі түйіспе мөлшерлерімен шығарылады.
3.4. Жүйелік тақшаны таңдау
Жүйелік тақша (system board) компьютердің маңызды құраушыларының бірі, кейде аналық (motherboard), негізгі немесе бас тақша (main board) деп те аталады. Бұл компьютердің ішкі байланысын және басқа да бөліктерін басқарады. Оның сапасына, функционалдығына және жылдам әрекетіне тікелей барлық жүйенің тұрақтылығы мен жылдамдығы тәуелді.
Онда келесі құрылғылар орналасады:
· процессор;
· шина;
· жедел жады;
· тұрақты жады;
· слоттар (қосымша құрылғыларды қосуға арналған ағытпалар).
Процессор компьютердің басқа құрылғыларымен, соның ішінде ең алдымен жедел жадымен шина деп аталатын өткізгіштер тобы арқылы байланысқан. Шиналардың негізгі үш түрі бар: мәліметтер, адрестік және командалық шинасы.
Жүйелік тақшаларды өңдеу кезінде есепке алынатын бірқатар көп таралған форм-факторлар бар. Форм-фактор (form factor) тақшаның физикалық параметрімен орнатуға келетін қораптың түрін білдіреді.
Ең танымал жүйелік тақшалардың форм-факторлары:
· ATX – mini-tower және full-tower қораптарға келетін стандартты қазіргі заманға лайық компьютерлер;
· mini-ATX – ATX-тің кішірейтілген нұсқауы;
· micro-ATX – desktop немесе mini-tower қораптарға келетін орта деңгейдегі компьютерлер;
· flex-ATX – қымбат емес немесе өнімділігі төмен desktop немесе mini-tower қораптарға келетін компьютерлер;
· NLX - desktop немесе mini-tower қораптарға келетін бірлескен жүйелер.
3.3-сурет.Жүйелік тақшаның артқы тақтасы
Жүйелік логика.
Жүйелік логика (чипсет) – тақшаның негізгі құраушысы, ол оның жұмыс жасауына, сонымен қатар барлық компьютердің жұмыс жасауына жауап береді. Ол кішкене мөлшерге ие және әдетте бірнеше микросхемалардан тұрады.
Ережеге сай, чипсет «көпірлік» архитектурасын ұсынады, яғни екі көпірден тұрады - солтүстік және оңтүстік, олардың әрбіреуі үшін өзінің бөлек микросхемасы жауап береді (немесе бірнеше микросхемалар).
Ағытпалар
Олар шлейфтерді және қоректену баусымдарын қосу үшін қажет, мысалы, желдеткіштерді. Түрлеріне және қолдануларына байланысты олардың әртүрлі формалары болады. Жүйелік тақшада желдеткіштерге, IDE немесе SCSI және т.б. құрылғыларға, сонымен қатар жүйелік тақшаның қоректенуіне арналған ағытпалар болады (3.4-сурет).
Процессорлық ұя.
Процессорлық ұя немесе слот (сокет), орталық процессорды жүйелік тақшаға орналастыруға және өткізгіш топтың механикалық қосылуы үшін қызмет етеді.
Процессор сокетінің үлгісінің тәуелділігіне әр түрі интерфейстер бола алады.
Жүйелік тақшаны жаңғыртуға келіп тірелгенде, барлығынан бұрын оның келесі «тағдырын» ойластыру қажет. Бұрын мұндай сұрақтар туындамаған еді, себебі процессорлардың көбі дерлі жүйелік тақшаға орналасқандығына орай компьютер жеткілікті түрде жеңіл жаңғыртылады.
Қазіргі уақытта жаңа процессор шыққан кезде әрбір сериясы өзінен соң жаңа интерфейс процессорлық слотымен тарап жатқандықтан, жүйелік тақшаның сәтсіз таңдалуы процессордың жаңғыруы кей кезде жүйелік тақшаның да жаңғыруын талап етуге әкеліп соқтыруы мүмкін. Міне, сондықтан ескі жүйелік тақшаны жаңартпас және жаңасына иелік етпес бұрын, осы немесе басқа процессорды ұяшығына орналастыра алатындығы жөнінде алдын-ала процессормен танысып алған жөн.
PCI–слотқа кез келген құрылғы қондырылады (3.4–сурет), ескі модельдегі бейнекарталарды да қосуға болады, бірақ мұндай құрылғыларды саттықтан табу мүмкін емес.
Слоттың санының көбеюі әр түрлі болуы мүмкін, біріншіден ол жүйелік тақшаның форм-факторынан және оның қажеттілігіне байланысты.
Егер жүйелік тақшаны жаңғырту жағынан қарайтын болсақ, онда ең алдымен слотардың бірнеше түрі бар тақшаны табу қажет. Слоттың қызметтік функциясының соңғы болуын міндетті түрде қадағалап отырған жөн, себебі оларды қолдану кезінде оған орналасқан тақшаның ең жоғарғы жұмыс жылдамдығына жетуге мүмкіндік беру керек.
Сонымен қатар, SATA, желі кабельдерін қосу, дыбыстық карталары үшін, индикация құрылғылары порттарына арналған ағытпалар бар. Жүйелік тақша және оны қолдануына байланысты ағытпалардың мөлшерлері әр түрлі болуы мүмкін. Мысалы, серверлік жүйелік тақшалар, офистік компьютерлеріне қарағанда IDE-, SATA-, SCSI- немесе USB-ағытпаларының көп мөлшерінен тұрады.
3.4-сурет. Белгілі типке жататын жүйелік тақшаның ағытпалары
Жергілікті порттар
Олар әртүрлі сыртқы құрылғыларды қосу үшін қолданылады. Мысалы модем, принтер, сканер және т.б. Жүйелік тақшада бірнеше жергілікті порттар болады.
LPT – бұл порттың түрі, көбінесе параллельді деп аталады. (3.3-сурет) Бұл толық дуплексті порт болып табылады, сол арқылы сигнал екі бағытта параллельді сегіз сызықты жолмен беріледі. Деректі жіберу жылдамдығы 900 кбит/с-тен 16 мбит/с-ге дейін (таңдалған жұмыс порттың уақытына байланысты) тұрады. Ережеге сай, параллельді порттар LPT1, LPT2 және т.б. индекстермен білгіленеді.
Әдетте оған принтер, сканер немесе модемдер қосылады. Шапшаң және функционалды USB – порттары пайда болуына байланысты, олар қазіргі уақытта көп қолданылмайды. Көптеген жүйелік тақшалар ATX-тақтаға LPT-портты шығармайды және жүйелік тақшаны қалыпты ағытпамен қосымша тақтайшаға қосылу үшін ықшамдайды.
COM -портты тізбекті порт деп те атайды. Бұл жартылай дуплисті порт, яғни бұл арқылы мәліметтер кезекпен және бір бағыттағы сериялармен әр уақыт кезеңінде (алдымен біреуі, кейін екінші жағын) жіберіледі. Ең жоғарғы жылдамдығы – 115 кбит/с. Ережеге сай тізбекті порттар СОМ1, СОМ 2 және т.б. индекстермен белгіленеді.
Тізбекті портқа жоғарғы жылдамдықты қажет етпейтін құрылғы қосылады. (мысалы тінтуір, модем, джойстик және т.б.). Бұрынғы шығарылған жүйелік тақшалар екі СОМ-порттардан тұрады, яғни олар байланыс мөлшерімен ерекшеленеді. Жаңа үлгідегі жүйелік тақша не бары бір ғана (немесе екі бірдей) 9-түйіспелі СОМ-порттан тұрады (3.3.-сурет).
USB көбінесе тәжірибеде жан-жақты қолданатын порт (3.3-сурет). Тіпті оның ағылшыннан аудармасы – жан-жақты тізбекті магистралы дегенді білдіреді. Бұл жаңа үлгідегі ішкі құрылғыларды қосу үшін қолданылатын интерфейстердің бірі. Мәліметтер асинхронды және синхронды режимдерде жіберіле алады. Мұндағы теориялық жылдамдық 12-480 Мбит/с (порт мүмкіншілігіне байланысты) құрайды. USB құрылғысына тінтуірден бастап цифрлы бейнекамераға дейін әртүрлі құрылғыларды қосуға болады.
Теориялық түрде бір компьютерге 127 USB-құрылғысын шоғырлауыштар тізбегі арқылы қосуға болады («жұлдыз» топологиясын қолданады), сонымен бірге олар әр түрлі болуы мүмкін.
USB порттардың маңызды ерекшелiгi – Plug and Play технологиясын қамтиды, барлық USB порттарына қосылған құрылымдар компьютерде автоматты түрде кескiнделеді, яғни пайдаланушыға драйверлер орнатудың қажеті жоқ.
Драйверлерді автоматты түрде орнату тек операциялық жүйесінің деректер базасында құрылғының драйверлері болған жағдайда мүмкін. Егер жүйеде керекті драйвер жоқ болса, онда драйверді дискіден немесе интернеттен көшіруге болады.
Сонымен қатар, USB-портында "ыстық" қосылымға мүмкіндік бар: жабдық іске қосылып тұрған компьютерге қосыла алады. Әдетте, жүйелік тақшада екіден кем емес USB-порттар болады. Ал, жақсы жүйелік тақшаларда олар алты - сегiз бола алады. Дегенмен компьютердiң USB-портына қосылған құрылым қоректену блоктың қуатын "ұрлайтынын" ұмытпаған жөн. Сондықтан USB портына қосылуларды жөнсiз пайдаланбау қажет.
PS/2 негізінен тінтуір мен пернетақта қосуы үшiн қолданылатын параллельді порттар. Ол қызметі жағынан COM портына ұқсас, дегенмен тез және шағын (3.3-сурет).
Мұндай порттар жүйелік тақшада екеу. Қосылымға құралдық деңгейде тек бір тінтуір мен бір пернетақта ғана талап етіледі.
IEE1394 - шапшаңдығы 400 Мбит/с тізбекті порт. Әдетте FireWire деп жиі атайды. Ол негізінен көп көлемдегі ақпараттарды максималдық тез жеткізетін цифрлық бейне құрылымдары үшін қолданылады. Бұл порттарға сымсыз желі адаптерлері (желі карталары, көпiрлер, маршрутизаторлар, қатынау нүктесi және т.б.) қосылады.
FireWire-ның екi түрі бар. Көпшiлiк үстелдік компьютерлер үшін 6- түйіспелі, ноутбуктерге 4-түйіспелі порттары қолданылады. (3.4-сурет). Әдетте жүйелік тақшада екi кейде төрт порттар болады. Егер жүйелік тақшада мұндай порттар жоқ болса, онда FireWire-контроллері бар кеңейту тақша қолданылады.
Ethernet-порт. Компьютерді жергiлiктi желіге қосу үшiн қолданатын порт. Ол қазіргі барлық жүйелік тақшаларда бар. Жүйелік тақшада желілік баусымның RJ-45 ағытпасына қосылуға негізделген желілік контроллер жабдықталған. Соның негізінде, Ethernet 802.3 желілік стандартқа сәйкес берілген желіні 10/100/1000 Мбит/с жылдамдығымен қамтамасыз ете алады.
Жүйелік тақшаға соңғы уақытқа сөзсіз жан-жақты қолдануға жиiрек Ethernet 802.11 (Wi-Fi) стандартты контроллер қосылады.
Аккмуляторлық батарея. Қолданушының барлық баптауы сақталатын BIOS Setup көмегі арқылы жасалған, CMOS жадының қоректенуiне негізделген батарея. Ол үлкен таблеткаға шамалас жазық формалы. Оны орнату үшін арнайы ілмегі бар ұяшық қолданады.
Жүйелік тақшаның «ұзақ өмір» сүруі үшін оның ең дұрысын таңдау – ең маңызды болып табылады. Процессорды жаңғырту үшін әрине алдымен процессорлық слотты анықтаған жөн. Жүйелік тақшаны келешегі бар Intel Socket 775, AMD Socket AM2 секілді процессорлық слотпен таңдаған жөн. Сонымен бірге чипсеттіде ескеру қажет, себебі жүйелік тақшаның қызметі, жеке қосалқы бөлшектер, жедел жады түрі, аудио бейімдеуіш сапасы соған байланысты.
Жүйелік тақшаны орнату
Жаңа жүйелік тақшаны орнату қиын істің бірі. Дегенмен ең бастысы барлығын өз сатысымен техникалық ерекшеліктерін біліп, орнатуға болады.
Жүйелік тақшаны орнату ұқыптылықты талап етеді. Әйтпесе компьютер істен шығуы мүмкін. Оның себебі ағытпаларда байланыстың болмауы, тақша құрылымдарында микросызықтар және т.б. жағдайлар болуы мүмкін.
80286 және одан жоғарғы процессорлы кәсіби компьютерлердің ішкі жады 3 бөлімнен тұрады.
80386 SX-тен бастап шыға бастаған кәсіби компьютерлердің жоғарғы жады машинаның сыртқы құрылғыларының драйверлері мен деректер енгізілетін ОЕСҚ-ның бір бөлігі ретінде де пайдаланылатын болды.Оған қосымша 80286 АТ және одан жоғарғы типті кәсіби компьютерлердің үлкен көлемді ақпаратпен жұмыс істеуі үшін жадты динамикалық және виртуальды тәсілдер бойынша пайдалану режимдері бар.
8088 үлгілі IBM XT компьютерінде жоғарғы және қосымша жадтардың сыйымдылығы 384 Кбайттан, ал негізгі және қосымша жад бөлімдері жедел есте сақтау құрылғысын құрайды.
Бүркеме – есте сақтау (КЭШ) регистірлік есте сақтаумен салыстырып қарағанда көлемі үлкен болады, бірақ шапшандығы кем. Дербес компьютерде есте сақтаудың осы түріндегі есте сақтаудың құрылғыларының саны әр қилы болуы ықтимал. Осы заманғы дербес компьютерде осы түрдің екі-үш есте сақтау құрылғысы болады.
Виртуалдьы тәсілмен құрылған жад арнайы бағдарламалар бойынша ішкі жадтың ТЕСҚ-дан басқа бөліктерінен және қатты жадтан құрылатын уақытша жылдам жад. Үлкен ақпаратпен динамикалық тәсіл бойынша жұмыс істеу кезінде компьютер жадтық кеңістігін нақты мөлшерлі беттерге не сегменттерге бөліп, адрестеп қояды да, кезекті мәндерді осы орындарға енгізіп, оларды бірден оқып шығарады. Мұндай тәсілмен компьютердің уақытша құрған жады виртуальды жад делінеді. Компьютер электр желісінен ажыратылғанда ол жойылып кетеді. Соңғы кәсіби компьютерлерде оперативті есте сақтау құрылғысын кеңейту үшін жүйелік блокқа қосымша жад орнатылған басқа тақшаларды да енгізіп қою мүмкіндігі бар.
Динамикалық тәсілдер-жоғарғы жадтың бір бөлігінде 64 Кбайттық не одан да үлкен бағдарлама бөліктерін кезегімен бір-бірлеп бірден орындап, орындау аяқталған соң осы үшін бөлінген орынды автоматты турде тазалап қою.
Жадтың бірнеше түрі болады: жедел, тұрақты, сыртқы, кэш, CHOS(КМОП), регистрлік.
Жадтың көлемі байтпен өлшенеді. Бір байт 8 биттен тұрады. Бит деп 0 мен 1 мәндерінің біреуін ғана қабылдай алатын ақпарат өлшемінің ең кіші бірлігін айтады. Сонымен бір байт көлемдегі жадқа бір символ сақтауға болады. Қазіргі кездегі компьютерлердің жадының көлемі миллиондаған байтқа жетеді, сондықтан оны килобайт, мегабайт, гигабайт арқылы қысқаша өрнектеген ыңғайлы. 1Гбайт=1024Мбайт.
Жедел жад немесе жедел есте сақтау құрылғысы ақпараттың кез келген бөлігіне лезде қатынауды қамтамасыз етеді. Бірақ компьютерді өшірген кезде жедел жадтағы барлық ақпарат бірден жойылады. Дербес компьютерлердің жедел жадының өлшемі жылдан жылға өсіп келеді. Pentium типтес компьютерлердің жедел жадының көлемі 8 Мбайттан 256 Мбайтқа жетеді. Жедел жадтың құрылысы оны үнемі ұлғайтып отыратындай етіп жасалынған. Компьютердің жедел жадының көлемі өскен сайын оның есептеу жылдамдығы артады.
Жоғарғы жадтың құрамында компьютерді жасап шығарған зауытта Dos-тың бір бөлігі жазылып қойылған бөлім бар.Оны тұрақты есте сақтау құрылғысы деп атайды. ТЕСҚ-ның көлемі үлкен емес 32-64 Кбайт. Пайдаланушының ТЕСҚ-ға берілгендерді не өз бағдарламасын енгізуі мумкін емес. Мұндағы бейнежад монитор адаптері пайдаланылатын жад.
Компьютердің жады-оның құрамына міндетті түрде енетін элементтердің бірі. Ол бірнеше түрге бөлінеді және бір-бірінен өлшеміне, ақпаратты сақтау мерзіміне және т.б параметрлеріне қарай ажыратылады.
Кэш – жад қойма сияқты, оған аралық деректер мен командалар келіп түседі. Көп мәліметтерді кэш – жадтан алу әрекеті процессордың мәліметтерді алуына жеңілдік келтіріп, оның жылдамдығын арттыруға жәрдемдеседі. Кэш – жад компьютердің жалпы жұмыс өнімділігін арттыруға арналған. Кэш – жад екі деңгейлі. Біріншісі процессор ішінде, екіншісі процессордан сырт орналастырылады, көлемі 256 -512 кбайт шамасында.
Қосымша жад және негізгі жад–бірдей микропроцессорлардан тұратын бөлек тақшалар. Сондықтан бұл компьютердегі жедел есте сақтау құрылғысының көлемі 1 Мбайтқа тең.
Жедел есте сақтайтын құрылғы (ОЕҚ) өзгермелі ақпаратты қысқа мерзімде сақтауда пайдаланылады әрі есептеу операциларын процессормен орындау барысында өзіндеегі өзгерістерді мүмкін етеді. Бұл процессордың өңделген деректерден немесе команданың ОЕҚ – сынан шыға алатынын білдіреді, содан кейін деректерді арифметикалық немесе логикалық өңдеуден өткізгеннен кейін алынған нәтижені ОЕҚ-ға орналастырады. ОЕҚ-ға жаңа деректерді бастапқы деректер койылған жерге ғана орналастыру мүмкін болады. Бұрынғы командасының немесе деректердің өшірілетіні өзінен өзі түсінікті.
Сыртқы есте сақтайтын құрылғы (СЕҚ) ақпараттты ұзақ уақытқа сақтауға арналған. СЕҚ-ға магниттік таспаға жинақтаушы, қатқыл дискіге жинақтаушы, иілгіш дискіге жинақтаушы, оптикалық дискіні ойнатқыш жатады. ОЕҚ мен салыстырып қарағанда СЕҚ негізінен жеке сақтаудың үлкен көлеміне ие болады, бірақ шапшандығы көп төмен.
Тұрақты есте сақтайтын құрылғы (ТЕСҚ) дербес компьютер жұмыс істеген кезде өзгермейтін ақпарат сақталады. Мұндай ақпараттты мониторлық–тест бағдарламасы (ол компьютердің ажыратылған сәтінде оның жұмысқа қабілетінің бар жоғын тексереді), драйвер (ЭЕМ–нің жекелеген құрылғысының мысалы перненің жұмысын басқаратын бағдарлама) жасайды.
Тұрақты жад–стандартты бағдарламаларды,өзгермейтін мәліметтерді және жүйелік ақпаратты энергиядан тәуелсіз сақтауға арналған жад. Компьютер жұмысы кезінде бұл жадтан мәліметтерді тек оқуға болады, ал оған ақпарат жазу арнаулы құралдар арқылы жүргізіледі. Жадтың өзгермейтін түрін құрады. Мұнда компьютер құрылғыларын басқаруға арналған жүйелік бағдарламалар орнатылған. Компьютерді іске қосқаннан кейін жабдықтарды біртіндей тестілеу үрдіс басталады. Процессор мен бейнеадаптерді тестілеу процессі аяқталғаннан соң мониторға диагностикалық хабарлама шығарылады. Содан соң компьютердің бастапқы жүктелу үрдісін басқаратын бағдарлама орындалады.
3.5. Жадтың қателерін жою
Компьютердің жады - оның құрамына міндетті түрде енетін элементтердің бірі. Ол бірнеше түрге бөлінеді және бір-бірінен өлшеміне, ақпаратты сақтау мерзіміне және т.б. параметрлеріне қарай ажыратылады.
Жадтың көлемі байтпен өлшенеді. Бір байт сегіз биттен тұрады. Бит деп 0 мен 1 мәндерінің біреуін ғана қабылдай алатын ақпарат өлшемінің ең кіші бірлігін айтады. Сонымен 1 байт көлемдегі жадыға бір символ сақтауға болады (Блокнот бағдарламасын ашып, бірнеше символдарды теріп сақтаған соң, файлдың көлемі терілген символдардың санына тең екенің байқап көруге болады). Қазіргі кездегі компьютерлердің жадының көлемі миллиондаған байтқа жетеді, сондықтан оны килобайт, мегабайт, гигабайт, террабайт арқылы қысқаша өрнектеген ыңғайлы:
· 1 Кбайт=1024 байт
· 1Мбайт=1024Кбайт
· 1Гбайт=1024Мбайт
· 1Тбайт=1024Гбайт.
Тұрақты жады (ТЖҚ-тұрақты жадтайтын құрылғы, ПЗУ-постоянное запоминаюшее устройство) – стандартты бағдарламаларды, өзгермейтін мәліметтерді және жүйелік ақпаратты (ВІОS, таңба генераторларының кестесін және т.б.) энергиядан тәуелсіз сақтауға арналған жады. ТЖҚ-да компьютер құрылғыларын басқаруға арналған жүйелік бағдарламалар орнатылған. Компьютер жұмысы кезінде бұл жадыдан мәліметтерді тек оқуға болады, ал оған ақпарат жазу арнаулы құралдар (бағдарламатор) арқылы жүргізіледі.
Поиск по сайту: