Пытанні да самакантроля

1 Як праявіўся стыль барока ў літаратурных творах?

2 Пералічыце асноўныя жанры літаратурных твораў XIV – першай палавіны XVII ст.

3 Што сабою ўяўляе панегірык?

4 Прывядзіце доказы развіцця полілінгвічнай літаратурнай традыцыі на Беларусі ў XIV – першай палавіне XVII ст.

5 Якую літаратурную спадчыну пакінуў Сімяон Полацкі?

6 Ахарактарызуйце асаблівасці музеефікацыі літаратурнай спадчыны Сімяона Полацкага ў “Музеі кнігі” ў Полацку.

Тэсты

1 Вызначце перадумовы ўзнікнення і пашырэння ідэй Адраджэння на Беларусі

а) палітыка верацярпімасці ў дзяржаве;

б) пашырэнне узаемасцвязі з краінамі Еўропы;

в) развіццё гарадоў, як цэнтраў грмадска-палітычнага жыцця;

г) умацаванне самаўладзя.

2 Горад, які з’яўляецца радзімай Францыска Скарыны – гэта

а) Бярэсце;

б) Нясвіж;

в) Вільня;

г) Полацк.

3 Першая кніга Францыска Скарыны, надрукаваная 6 жніўня 1517 г.-

а) Апостал;

б) Катэхізіс;

в) Псалтыр;

г) Малая падарожная кніжыца.

4 Першую на Беларусі і ва ўсёй Усходняй Еўропе друкарню ў Вільне заснаваў -

а) Іван Фёдараў;

б) Францыск Скарына;

в) Мікола Гусоўскі;

г) Швайпольт Фіёль.

5 Меценатамі кнігавыдавецкай дзейнасці Ф.Скарыны з’яўляюцца:

а) Р.Адвернік;

б) Р.Хадкевіч;

в) Я.Бабіч;

г) Б.Онькаў.

6 Апекуном першай на ўласнабеларускіх землях друкарні, якая дзейнічала ў Бярэсці ў 1550-1570 гг. быў

а) Астафій Валовіч;

б) Мацей Кавячынскі;

в) Мікалай Радзівіл Чорны;

г) Леў Сапега.

7 Брэсцкая Біблія, выдадзеная ў 1563 г., была напісана на мове

а) беларускай;

б) рускай;

в) польскай;

г) лацінскай.

8 Які з пералічаных твораў належаць Сымону Буднаму?

а) Малая падарожная кніжыца;

б) Пра апраўданне грэшнага чалавека перад Богам;

в) Катэхізіс;

г)Фрынас.

9 Літаратурныя жанры эпохі Адраджэння:

а) гісторыка-мемуарны;

б) кніжная паэзія;

в) рэфармацыйная публіцыстыка;

г) навукова-фантастычны.

10 Дыярыуш – гэта

а) від зброі;

б) дзённік;

в) летапіс;

г) малітваслоў.

11 Першы твор, па якім у канцы 16 – 17 стст. еўрапейскія чытачы знаёміліся з гісторыяй, геаграфіяй, культурай, звычаямі і абрадамі жыхароў Беларусі быў –

а)Дзённік Фёдара Еўлашоўскага;

б) Евангелле вучыцельнае;

в) Полацкі сшытак;

г) Хроніка Еўрапейскай Сарматыі.

12 Суаднясіце прозвішчы аўтараў і іх творы:

а) Андрэй Рымша;

б) Ян Радван;

в) Гальяш Пельгрымоўскі;

г) Ян Вісліцкі;

1) Дэкатэрас;

2) Радзівіліяда;

3) Пруская вайна;

4)Пасольства да вялікага князя Маскоўскага.

А-1-Б-2-В-4-Г-3

13 Вызначце накірункі дзейнасці праваслаўных брацтваў на Беларусі ў XV – XVII ст.

а) адкрыццё школ;

б) адкрыццё друкарняў мяшчан;

в) барацьба за царкоўную унію;

г) абарона інтарэсаў праваслаўных.

Поиск по сайту: