 |
АвтоАвтоматизацияАрхитектураАстрономияАудитБиологияБухгалтерияВоенное делоГенетикаГеографияГеологияГосударствоДомДругоеЖурналистика и СМИИзобретательствоИностранные языкиИнформатикаИскусствоИсторияКомпьютерыКулинарияКультураЛексикологияЛитератураЛогикаМаркетингМатематикаМашиностроениеМедицинаМенеджментМеталлы и СваркаМеханикаМузыкаНаселениеОбразованиеОхрана безопасности жизниОхрана ТрудаПедагогикаПолитикаПравоПриборостроениеПрограммированиеПроизводствоПромышленностьПсихологияРадиоРегилияСвязьСоциологияСпортСтандартизацияСтроительствоТехнологииТорговляТуризмФизикаФизиологияФилософияФинансыХимияХозяйствоЦеннообразованиеЧерчениеЭкологияЭконометрикаЭкономикаЭлектроникаЮриспунденкция
О оборе быдла всякого и о рыкуньях
При кождом дворе фольварку нашом хочем мети дворнички, то есть рыкуньи порадные, которым на рок за працу их з наших пенязей по две коп грошей мает быти даваноот уряду а три бочки жыта з гумна нашого и четвертая с третьего снопа врядничого на выхованье: для чого при каждом фольварку нашом мают ховати принамней до двадцати коров. А естли бы так много не было, ино з гуменных пенезей купити колько может который двор выховати, и то перед ркевизором оказати. И мает вряд в дозренью и доброй опатрности быдло дворное мети, а до скарбу нашого от коровы дойные не больш платити, только дванадцать грошей, а от овцы старое за волну на рок один грош, а от молодое – по полугрошку, а приплодки в реистр писати и ведомости при личбе чинити. А где дойные овцы и козы быти могут, мает с таковых ревизор плат становити и уряд дворничок к тому принужати мает абы с того пожиток был, кгдыж то на многих местцах за добрым дозреньем быти может.
А где бы колько у рыкуньи невест альбо девок была потреба, то ревизор постановити мает водле великости быдла, которым уряд с пенязей наших наем платити мает.
А старое быдло, овцы и козы продаючи, пенязи до скарбу нашого отдавати, а згоже, звлаща поблизу, до кухни нашое отсылати. А котроет быдля здохнет, ино за шкуру воловую 5 грошей, за коровью – 3 грошы, а с иншого дробного быдла здохлого за шкуры не платити до скарбу, нижли с свиреп стадных шкур не продаючи оказывати конюшому нашому дворному. А то все ревезорове мают в бачности мети и на местцу при пописыванью оборы в реистры писати для того, абы не было забавенье при личбе.
26
Огороды дворные абы были везде розмерены с которых вряд мает давати до скарбу с кождого моргу по 12 грошей. А с конопель дворных вже неповинно неводов робити. А естли бы огородных речей до кухни ношое потреба была, тогды то вряд мает отсылати где будет росказанье ваше, а пенязми вже не будет повинен платити.
Урядники наши оробивши ся от пашни в осень и на весне ставы и сажавки поддаными будовати мают. А пенязей гуменных и за рыбы, и с продаванья старого быдла браных могут выдати до двадцати коп на наемники и на грабары до такое роботы. А коли ревизор приедет, тую роботу и наклад ему окажут. А где бы местцо на ставе большого накладу потребовало, то ревизор, оглядевши, мает нам поведети и з нашого росказанья будет справовати таковые справы. А за працу вряднику с кождого ставу при спусте десятая рыба. Нижли не спущати ставов без нашого веданья. А в спустыных ставов вряд и нихто иный ниякою сетью рыбы ловити не мают под карностью строгою. А где при ставех могут быти млыны и фолюши альбо млыны на руду, мает вряд казати будовати звычаем тым яко ся заховывает, намомивши ся з ревизором. А млынаром третья мерка з млива и волоку одну им давати, а две мерки на пожиток скарбу нашого. И с тое третее мерки повинен млынар до роботы млына и спустов мистром быти и оправовати, и гвалтов стеречи и с помочью подданых гамовати. Железо и вси потребы до млына сваим накладом мает справовати. А с волоки до замку альбо двора, которому послушон, один день в тыждень тесельскою роботою служити.
А который млынар в злодействе будет досветчен, таковый мает отпадати права млынарского и от млына, а ведже олиж з явного суда поконаный. А где бы что вонтпливого в таковом суде около справы млынарское было, мает вряд иных млынаров к тому взнати и, взявши розуменье от них, так млынара осудити.
Сена з дворных сеножатей на вряд наш даем пятый воз, также пятую стирту альбо оборог, ровно кладучи наш и врядовый. Але вряд мает с пильностью причиняти ся абы сеножати дворные не залегали и зарослые выправованы и в час покошены были. А где бы иначей (було) и нам бы в том шкода ся деяла, тогды вряд мает то нам нагородити з своего пятого воза, чого ревизор пильне дозрети мает.
Где кони в дворех наших стоят, ино што на тые кони и машталеры при них выдано будет, яко в нашом альбо конюшого нашого листе оброк им на тыждень описан будет за квитом машталерским под печатью шляхтича чоловека доброго, одного альбо двух, и то на личбе приняти. Ведже врядники наши мают в дозреньи своем мети абы овсы и сена на сторону не шли и при наших конех машталеры своих коней не ховали бы. А где бы посланец наш при конех будет, тогды от того за его печатью а не от машталера квит взяти и што бы теж вряд на узденицы, попонки и на иншие потребы коней наших пенязей выдал, а то ся на квит посланца або машталерском окажет, и то также на личбе ему приняти.
Поиск по сайту: