Есептер. 6.1 Доп 10 м/с жылдамдықпен көкжиекке 300 бұрыш жасай лақтырылған

Орташа деңгей

6.1 Доп 10 м/с жылдамдықпен көкжиекке 30⁰ бұрыш жасай лақтырылған. а) Доптың қандай биіктікке көтерілетінін; ә) қанша уақыт қозғалыста болатынын табыңдар. Ауа кедергісін ескермеңдер.

6.2 Көкжиекке 45⁰ бұрыш жасай лақтырылған дөңгелек максимал һ биіктікке көтерілді. Оның ұшу қашықтығы қандай?

6.3 Дене көкжиекке бұрыш жасай 10 м/с бастапқы жылдамдықпен лақтырылған. Оның 3 м биіктікке жеткен мезеттегі жылдамдығын табыңдар.

6.4 12 м/с жылдамдықпен көкжиекк 45⁰ бұрыш жасай лақтырылған тас жерге лақтырған орнынан s қашықтыққа түскен. Сондай жылдамдықпен сол жерге түсу үшін тасты қандай һ биіктіктен лақтыру керек?

6.5 Дененің көтерілу биіктігі үшін ұшу қашықтығына тең болу үшін оны көкжиекке қандай бұрышпен лақтыру керек?

6.6 Көкжиекке 30⁰ бұрыш жасай лақтырылған тас қозғалыс басталғаннан кейін 3 с және 5 с-тан соң екі рет бірдей биіктікте болған. Тастың бастапқы жылдамдығы мен максимал көтерілу биіктігін табыңдар.

6.7 10 м/с бастапқы жылдамдықпен лақтырылған тастың 0,5 с-тан кейінгі жылдамдығы 7 м/с болған. Тас бастапқы деңгейінен қандай максимал биіктікке көтеріледі?

Жеткілікті деңгей

6.8 Көкжиекке 60⁰ бұрыш жасай лақтырылған дененің қозғалыс басталғаннан 4 с өткендегі жылдамдығының вертикаль құраушысының проекциясы 10 м/с болды. Дененің лақтырылған жері мен түскен орнының арақашықтығын табыңдар.

6.9 Екі дене бір нүктеден горизонтқа α₁=30⁰ және α₂=45⁰ бұрыш жасай лақтырылған. Егер денелер жердің бір нүктесіне түссе, олардың бастапқы жылдамдықтарының қатынасы қандай?

6.10 Жерге орнатылған шлангіден 15 м/с бастапқы жылдамдықпен горизонтқа 30⁰ бұрыш жасай су атқылап тұр. Шлангінің көлденең қимасының ауданы 1см². Ауадағы атқылаған судың массасын табыңдар.

6.11 10 м/с жылдамдықпен көкжиекке 30⁰ бұрыш жасай тас лақтырылды. Қанша уақыттан кейін тас 1 м биіктікте болады?

6.12 Зеңбірек пен нысана бір деңгейде бір-бірінен 5,1 км қашықтықта тұр. Бастапқы жылдамдығы 240 м/с болатын снаряд нысанаға қанша уақытта жетеді?

6.13 Бала өзінен 4 м жердегі қабырғаға қарай 10 м/с жылдамдықпен 45⁰ бұрышпен доп лақтырады. Серпілген допты ұстап үшін бала қабырғадан қандай қашықтықта тұру керек? Доп қабырғаға абсолют серпімді соғылады деп есептеңдер.

6.14 Горизонтқа бұрыш жасай лақтырылған тас 4 с-тан кейін жерге түсті. Ұшып бара жатқан тастың максимал жылдамдығы, оның минимал жылдамдығынан екі есе үлкен болса, тастың ең үлкен биіктігі мен түскен қашықтығы неге тең?

6.15 Мотоциклші 37-суретте көрсетілгендей шұңқырдың жиегіне шығады. Шұңқырдан қарғып өту үшін оның ең аз жылдамдығы қандай болу керек? Суретте көрсетілген шамалар белгілі деп есептеңдер.

6.16 Көлбеулігі 30⁰ төбеден горизонтқа 30⁰ бұрыш жасай лақтырылады. (38-сурет). Тас лақтырған жерден 20 м қашықтыққа түссе, оның бастапқы жылдамдығы неге тең?

Жоғары деңгей

6.17 Дене бастапқы жылдамдықсыз 2 м биіктіктен еркін түседі. 0,5 м биіктікте дене горизонтқа 45⁰ бұрыш жасай бекітілген бетке абсолют серпімді соғылады. (39-сурет). Дененің жерге түскендегі L қашықтығын және толық қозғалыс уақытын табыңдар.

6.18 Сфералық шұңқырда ыршып жүрген шар оның қабырғасының бір горизонтальда орналасқан екі нүктесіне серпімді соғылады. (40-сурет). Шардың солдан оңға қарай соқтығу уақыты T_1, ал оңнан солға қарай соқтығу уақыты T_2, мұндағы T₂ ≠ T_1. Шұңқырдың радиусын табыңдар.

6.19 Шлангінің саусақпен басқан тесігінің екі жерінен горизонтқа α және β бұрышпен, бірдей жылдамдықпен су шапшып тұр. Олар горизонталь бағытта тесіктен қандай қашықтықта қиылысады?

7. Айналмалы қозғалыс

Поиск по сайту: